١- الزجاج الدبل اهم مميزاته هو عزل الصوت والحرارة الخارجية، علشان كده اسمه انسليتيد جلاس.
٢- تخانة الزجاج الدبل ١٨ مم، طبقة زجاج تخانة ٦ مم وطبقة اخري تخانة ٦ مم وفراغ ٦ مم.
٣- الزجاج هو المسئول الأول عن عزل ٩٥٪ الصوت والحرارة، وليس قطاع الألومنيوم او غيره من القطاعات.
٤- فتحات الابواب والشبابيك تمثل نسبة من ١٥٪ لـ ٣٠٪ من مساحة الجدران.
٥- لو سعر الزجاج الدبل كان غالي، فالمقابل هيحققلك توفير في استهلاك الكهرباء.
٦- الزجاج الدبل بيكون طبقتين، فالغالب طبقة خارجية عاكس وطبقة داخلية شفاف، ويمكن استخدام انواع أخري من الزجاج.
٧- لو عاوز تعكس الرؤية تمام فالنهار والمساء، يبقي ممكن تركب طبقتين زجاج عاكس داخلي وخارجي.
٨- لو الجدران عندك مش معزولة كويس وبتستخدم كهرباء تكييف كتير فالصيف، طبعا لازم تستخدم زجاج دبل.
٩- ممكن تحقن الزجاج الدبل بغاز الأرجون لتحقيق نسبة عزل أعلي والحفاظ علي العمر الافتراضي للزجاج.
١٠- لازم تعزل الفراغات اللي بين الشباك والجدار بالسليكون والفوم وكاوتش البار، علشان تمنع اي تسريب خارجي وتحقق عزل تام.