وانت بختار مواصفات الشبابيك والابواب الألومنيوم، خاصة في بند السلك، لازم تعرف حاجتين، الأولي انواع السلك والثانية إيه الانسب ليك.
في ٣ انواع للشلك:
١- سلك صلب:
وطبعا من اسمه انه من الحديد، وبيكون معالج ضد الصدأ، لكنه بردو بعد فترة طويلة “اكتر من سنين” بيصدأ.
مميزاته انه بيكون مشدود علي الضلفه كويس خاصة لو مساحة الضلفه كبيرة، ومبيكنش في ارتخاء للسلك.
٢- سلك فايبر:
طبعا خامة الفايبر غير قابلة للصدأ، لكن عيوبه انه سهل القطع وسهل التآكل مع العوامل الجوية، خاصة فالأماكن الشاطئيه.
وبردو مبيكنش مشدود بالشكل القوي لأنه بيفتقد للصلابه.
٣- سلك استانس:
السلك الاستانلس من أفضل الأنواع للسلك، لأنه بيكون مشدود كويس، ومظهره الفضي اللامع؛ لكن في نوعين منه، في نوع بيبدأ بعد فترة طويلة وفي نوع ضد الصدأ، ظاهريا مفيش فرق لكن حسب الكود ٢٠٢ او ٣٠٦، وطبعا يصنف انه من اغلي انواع السلك.
٤- سلك الومنيوم:
واحد من افضل انواع السلك رغم انه اقل سعر من الإستانلس واعلي سعر من الأنواع الأخري، طبعا معدن الألومنيوم غير قابل للصدأ بطبيعته.