في اختلافات كتيره جدا من ناحية الشكل بين قطاعات الالومنيوم المختلف، وبنقدر من خلالها نميز بين القطاعات ونعرف نوع قطاع الالومنيوم من ناحية الشكل سواء كان “قطاع السعد” او “قطاع بي اس” او قطاع “تكنال” او “الوميل” او غيرهم من القطاعات
وطبعا في طرق تانيه فنية اكتر، لكن هنوضحلك هنا الفرق من ناحية الشكل
١- شكل “البار” المتصل بالحلق
كل قطاع ليه شكل بار مميز عن القطاع التاني، مثلا قطاعات “بي اس” بتتميز ببار بوميه، قطاعات الشريف بتتميز ببار مجوف، أما قطاعات ألوميل بردو بالبار المجوف والبار البومبيه
٢- شكل الحلق “تراك الضلفه” الجرار
نفس الشئ كل قطاع مميز بشكل تراك للضلف الجرار مختلف عن القطاع التاني، ودا مش بس للشكل دا ليه فايدة تانيه فالإستخدام
مثلا هتلاقي قطاعات “بي اس” التراكات على شكل حرف “يو” بالانجليزي
اما تراكات قطاعات الشريف هتلاقيها على شكل “ال” بالإنجليزيه، ودا أهميته علشان تصريف المطر، ومتاح شكل تاني لنفس القطاع على شكل “ال” لكن مفتوحة من فوق زي حرف الـ “ب ” وبيتركب عليها تراك بلاستيك او استانلس علشان يخلي الشكل مميز او مختلف
٣- شكل “السكينه” بتركب في جنب الضلفه
السكينه هي الجزء اللي بيتركب في جنب الضلفه الجرار، ووظيفتها واحده في كل القطاعات
لكن ليها شكل مميز اكتر في قطاعات شريف علي حسن، وليها شكل نص دائري ودا مميز اكتر في قطاعات الوميل
٤- شكل السلك: –
اشكال الضلف السلك الجرار بردو متشابهه في كل القطاعات، لكن هتلاقي تنوع كبير منها في قطاعات الشريف علي حسن، وقطاعات الوميل.
وهي بتكون اما نص مقبض او مقبض كامل او بيتفتح فالضلفه مكان لتركيب مقبض للفتح والاغلاق.