اولا لازم نعرف إن في أربع عوامل عزل لازم تتوفر فالشباك أو الباب، ويعتبر دا الهدف الرئيسي منه.
١- عزل الصوت.
٢- عزل الحرارة.
٣- عزل الأتربة.
٤- عزل مياة الأمطار.
طيب إيه أفضل قطاع ألومنيوم يحقق عزل الصوت والحرارة؟
في اجابتين للسؤال، الإجابة الأولي هي صحيحة لكن خاطئه لإنها مش بتجاوب علي السؤال بشكل فعلي، والإجابة التانية هي صحيحة ١٠٠٪ لأنها بتجاوبك علي الجزء الفعلي المسئول عن العزل فالشباك.
١- الإجابة الأولي:
كل قطاعات الألومنيوم أو غير الألومنيوم هتعزل الصوت والحرارة لكن بنسب مختلفة، وكمان بيعتمد علي عزل الحوائط والمباني فالأصل.
دايما اختار القطاعات بوزن أعلي ودا بيتحقق فالقطاعات المعتمدة، ودايما هتكون تخانة القطاع اكبر، بتدأ من ١ مم بتوصل ل ٤ مم.
ودا حيقق عزل حراري وصوت بدرجة اعلي.
لكن٬،
الأبواب والشبابيك الالومنيوم او غيرها من الخامات البديلة هي مجرة ايطار للشباك، هتلاحظ إن مساحة الشباك ٩٠٪ منها زجاج والباقي مجرد إيطار من الالومنيوم سواء للضلف او الحلق.
ودا بيودينا للإجابة الأكثر منطقية.
٢- الإجابة الثانيه:
الزجاج مساحته من ٩٠ لـ ٩٥٪ من مساحة الشباك أو الباب، وهو الأكثر تعرضا للهواء اللي بينتقل معاه الصوت، وهو بردو الأكثر تعرضا لأشعة الشمس، الألومنيوم مجرد إيطار للزجاج.
علشان تحقق عزل حراري وعزل صوت:
– لازم تستخدم زجاج عاكس، لأن دورة تحقيق انعكاس اشعة الشمس، مش مجرد تحقيق الخصوصية.
– لازم تختار مواصفة الزجاج الأفضل لنسبة الإنعاكس، وليس لون الزجاج فقط.
– اختار دايما زجاج بتخانة لا تقل عن ٥ او ٦ مم.
– يفضل طبعا استخدام زجاج دبل، طبقة ٦ مم + طبقة ٦ مم + فراغ ٦ مم = ١٨ مم عزل حراري.
– ممكن تحقن الزجاج الدبل بغاز الارجون اللي بيحقق عزل أكبر وبيحافظ علي العمر الافتراضي للزجاج.
موضوعات اكتر هتفيدك وتهمك في اختيار الابواب والشبابيك الألومنيوم.